<
السلام
عليكم ورحمه الله وبركاته
منورين يا
رجاله المدونه اللى بقت بتاعتكم مش بتاعتى
كيف احواكم
وشو لونكم والكلام الحلو اللى بيتقال ده فى بدايه كل موضوع
هنكلم
انهارده بأذن الكلام اللى بدأنا فيه وسلسله التعريف بعناصر واساسيات التسويق عامه
و التسويق الالكترونى منه خاصه
انهارده
بأذن الله هنتكلم عن الميزه التنافسيه
بس قبل ما
نبدأ اذكركم بالمواضيع والاساسيات اللى شرحناه سابقا
الابحاث التسويقيه تسويق الخدمات تسويق ونلاين
ازاى تسوق لنفسك وتعمل brand لنفسك تسويق اون لاين
خطوات فتح مشروع جديد مدونه تسويق الخدمات تسويق المنتجات
دراسه الشريحه المستهدفه مدونه تسويق الخدمات
مدارس السوق واهميه مدرسه التسويق تسويق الخدمات تسويق اونلاين
ــــــــ
نبدأ على
بركه الله
بسم الله الرحمن
الرحيم
علشان تفتح
اى مشروع او شركه او تكون مسئول تسويقى فى شركه
لازم يكون
عندك حاجه مش عند غيرك بتجذب العميل ليها وتخليه دايما يفضلك والحاجه دى اسمهاالميزه التنافسيه
وعلشان
مطولش عليكم نخش علطول
ازاى تقدر
تكون متميز عن غيرك من المنافسين
التميز عن المنافسين بيكون فى ست اشكال
1- التميز فى المنتج :
يعنى ايه ؟
يعنى المنتج بتاعك لازم يكون فى اعلى درجه من
جهه العناصر اللى جايه دى واولهم طبعا جوده المنتج
شكل المنتج ( ممكن يكون المنتج جامد جدا بس شكله وحش فيكون ده سبب
ان محدش يشتريه )
_ سهوله الاستعمال ( زى تحويل الحقن الى حبوب فى
مجال الادويه)
التصميم اللون الامكانيات والاوبشن التغليف باختصار كل حاجه عن المنتج لازم يكون متميز من
اول الغلاف لحد الحشو اللى جوه المنتج
ــــــــــــــــــ
2- التميز فى الخدمه
اى منتج لازم تكون فى خدمه مصاحبه ليه
وبتختلف الخدمه من منتج لمنتج ممكن تبقى (صيانه – توصيل – ضمان للمنتج) والخدمه
غالبا بتكون مجانيه او بسعر رمزى
من انواع الخدمات
(الدعم \ خدمه التوصيل \ صيانه مجانيه \
تدريب العملاء لو المنتج يحتاج الى هذا \) فلازم تقدم خدمه المنافس ميقدرش يقدمها
او على الاقل بنفس مستواه
ـــــــــــــــــــ
3- التميز فى مقدمى الخدمه
هم الاشخاص اللى بيتواصلوا مباشره مع العميل
سواء موظفين مندوبين خدمه عملاء استقبال وهكذا
لازم الناس دى تكون على قدر المسئوليه وعندها
شويه اساسيات زى
(فن التعامل مع العميل - اليونفورم الموحد الخاص بيهم والهيئه
العامه - السرعه فى تنفيذ المهام المطلوبه
منهم - المهاره فى اتقان العمل - طريقه التحدث مع العميل والتعامل مع اى مشكله تحصل) وهكذا
وهذا الكلام يطبق سواء اذا كان التسويق اوف لاين او( التسويق اون لاين )
ـــــــــــــــــــ
4- التميز فى التوزيع
ودى من اهم انواع التميز لازم منتجك يكون قريب من العميل والشريحه اللى
مستهدفها علشان تقدر تبيع ليهم المنتج
ده يعنى مينفعش تفتح شركه فى الصحرا او
منطقه ملهاش مواصلات او منطقه وصفها صعب
لازم مكانك يكون سهل الوصول ليه وليك فروع
تانيه وهكذا منتجك لازم يكون ليه منافذ توزيع فى كل مكان علشان تقدر تتواصل مع
عملائك زى شركات المحمول التلاته ووجودهم فى كل المحافظات + وجود رقم للاتصال بيهم
دايما لازم يكون متوفر عندك وسائل لتضمن
(سهوله وصول العميل للمنتج -- وجود المنتج فى اماكن كثيره بشكل ميسر)
ـــــــــــــــ
5- التميز في صوره الشركه
وصوره الشركه تنقسم لنوعين خارجيه زى
(المكان
– الشعار - شكل الاعلان - اللوجو )
وداخليه زى
( تصميم الديكور - نظافه الشركه - اعطاء العميل اكثر من حقه حتى
يرضى )
يعنى انا ممكن اخش مكان مره واحده بس ومدخلوش
تانى لان الديكور بتاعه وحش او المكان مش نطيف او المعامله فيه وحشه
ـــــــــــــــــــــــــ
6- التميز فى السعر
وده بيكون عن طريق (خصومات وتخفيضات - السماح بوقت اطول للسداد - وقت معين للشراء
بسعر اصغر - هديه مع المنتج ) وهكذا
ـــــــــــ
يجب ان يكون التميز صعب تنفيذه للمنافسين
الاخرين علشان ميتقلدش ويكون مريح للعميل ويغطى احتياجاته
وافتكر ان هدفك دايما فى شركتك من بعد ارضاء
الله هو ارضاء العميل
ــــــــــــــــــــــــــــــ
تابعنا واستكمل عناصر التسويق واساسيات التسويق مع المقالات الجايه بأذن الله
ونستكمل ايضا كلامنا عن التسويق اون لاين
يتوفر لدى شركة سوقنى فريق عمل متميز يقوم بجميع اعمال اشهار المواقع بكل حرفة ومهارة حيث يقومون بمسك كلمات
ردحذفبحثيه متعلقه بالموضوع لنمكن الناس من الوصول السرع الى موقعك ويزداد عدد الزوار بشكل كبير للمزيد تابعونا عبر
002_01008745590
http://www.swaqny.com/
ردحذفشركة تسويق الكتروني
اذا كنت تبحث عن شركة تسويق الكتروني عليك التوجه الي شركة ميكسيوجي فهي افضل شركة تسويق الكتروني و بها افضل المتخصصين في الانترنت التي لديهم خبره عامه و شامله
اتصل بنا علي الارقام :
للاتصال من داخل مصر 00201010116604
للاتصال من داخل السعودية 535296718
http://mixseogy.com/seo-emarketing/