اساسيات التسويق الترويج وازاى تعمل ميزانيه تسويق الخدمات

السلام عليكم

بسم الله الرحمن الرحيم

لازم اكتب كلمتين ترحيب حلوه بالاعضاء المحترمين بتوع المدونه بس اعتبرونى قولتهم علشان مش لاقى : D

مدونه  تسويق الخدمات ترحب بكم وتتمنى لك يوما سعيد اعتبروها حلوه

هنكمل انهارده بأذن اخر مقال من الجزء الاول ل سلسله اساسيات التسويق وهنتكلم عن بقيه مقال طرقالتسعير او استراتيجيات التسعير

وهنتكلم انهارده عن الميزانيه التسويقيه ازاى تعمل ميزانيه تسويقيه لشركه فى مجال معين وهنتكلم عن الترويج واساليبه 

ـــــــــــــــ

وانتظروا بأذن الله المقال الجامع لكل المقالات اللى ذكرناها فى التسويق هيبقى طويل شويه بس هيكون مرجعيه كويسهوهتستفادوا بأذن الله ولنا لقاء اخر مع باقى اساسيات التسويق بس هنتكلم عن السوشيال ميديا وال seo  شويه ونسترجع تانى بأذن الله الجزء التانى من السلسله

ــــــــــ

الميزانيه التسويقيه

بيتم حساب الميزانيه بناء على عنصر من العناصر الاتى ذكرها

والعنصر الاول هو ( قوه راسمال الشركه )

ـــــــــ

قوه راسمال الشركه

يعنى لو انت راجل بتاع تسويق ومسكت الحمله الخاص بالشركه ممكن تتفق معاهم على حسب راسمال الشركه يعنى نسبه خمسه فى الميه من راسمال يتصرف على التسويق ويبقى مصاريف التسويق جزء من راسمال الشركه

ـــــــــــــ

العنصر التانى

(نسبه مبيعات الشركه )

 

انت هدفك من الحمله التسويقيه تحقق مبيعات بنسبه قد ايه وبناء عليه بتقيس النتائج والتحليلات وتشوف تقدر هتصرف كان علشان تتدخل مبيعات للشركه كام طبعا النسبه ممكن تكون اقل او اكبر من المتفق عليه بس متكونش اقل بنسبه كبيره وتكون اكبر براحتك صاحب الشركه هيجوزك بنته J

ــــــــــــ

العنصر التالت

( ميزانيه المنافسين التسويقيه )

 

يعنى تشوف المنافسين بتوع شركتك بيصرفوا كام وبناء عليه تحدد ميزانيتك مش هتنافس شركه بتصرف مليون ج على التسويق بشركه تانيه بتصرف الف ج على التسويق طبيعى الاولى هتكون اعلى وافضل

ــــــــــ

طب انت يا عم محمود ايه رائيك فى الكلام ده

انا شايف التلاته غلط وهكذا برده شاف المسوقين الكبار اللى انا مش منهم بس بأذن الله هكون

الصح هو الطريقه الرابعه

ــــــــــــ

والطريقه دى معتمد على عده خطوات

1-   تحديد اهداف الحمله التسويقيه  وذكرناها بالتفصيل فى المقالات السابقه

2-   تحديد الشريحه المستهدفه وطرق الوصول ليها

3-   تحديد فريق العمل والوسائل المتبعه

وبناء على ما سبق بيتم تحديد التكاليف بناء على الهدف والشريحه والوسائل لان ممكن يكون المنافس غبى بيصرف كتير بس خطأ او انك تتفق على نسبه مبيعات بس متوصلهاش او تجيب افكار مبتكره متكلفش الشركه كتير من راسمالها فلازم تكون مبدع وبتفكر صح ودى الطريقه الانسب والاصح فى تحديد الميزانيه

ــــــــــــ

ملحوظه :

الميزانيه بتكون مرتفعه جدا فى الاول وتقل تدريجيا لحد ما توصل لمستوى معين وتزيد تانى مع ظهور منافس قوى فى السوق

ـــــــــــــــــ

الترويج

ازاى تعمل حمله ترويجيه لمنتجك او لشركتك فى 3 طرق فى الترويج ممكن استخدامهم والابتكار والتطوير مفتوحين

ــــــــ

1-اسلوب الدفع

(تنزيل منتج في اماكن كثيره جدا بسعر قليل مناسب للجميع ولامكانيات المنتج مما يدفع العميل لشراءه )  يعنى بتوفر للعميل سعر مناسب ومكان سهل الوصول ليه ويكون قدامه المنتج فى كل مكان فيقتنع ان المنتج ده جيد جدا من كتر ما بيشوفه فيشتريه  نظام الانتخابات فلان الفلانى بيؤيد ويبايع الحاج فلانى الفلانى

ـــــــــــــ

2-اسلوب السحب

(سحب العميل لمنتجك باستخدام سمعه المنتج وقوته وتميزه وباستخدام العروض التسويقيه خصومات وهدايا وهكذا )

يعنى تبنى براند قوى للشركه وسمعه كويسه جدا فى الاول يخلى العميل يثق فيك ويبحث عن منتجك ليشتريه زى الماركات العالميه فى الاجهزه

ـــــــــــ

3-الدعايا والاعلان

 (هى التى لا يحصل فيها تواصل مباشر مع العميل مثل التليفزيون واعلانات الشوارع ) تعرف العميل بمنتجك من خلال الدعايا والاعلان علشان يعرف بوجودك ويبدأ يشترى منتجك

ــــــــــــــ

ممكن تجمع بين الثلاثه وسائل او تعملهم خط زمنى تبدأ بكذا ثم كذا ثم كذا حسب ظروف الشركه والمنتج والميزانيه

ـــــــــ

وبكدا نكون خلصنا الجزء الاول من سلسله اساسيات التسويق وانتظروا بأذن الله المقال الشامل الجامع زى ما وعدكم #ده هيبقى كتاب مش مقال :D

شير بقا وضيف ومنشن وابعت لصحابك والكلام اللى انتوا عارفينه ده كل واشكر  J

ــــــــــــــــــــــ

انتظرونا بأذن الله مع المقال الجامع لكل سلسله اساسيات التسويق الجزء الاول

شكرا لحسن متابعتكم شير بقا وكده 

تسويق الخدمات

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →